- - - - - - - - - - - - - - - - - - - - - - - -- - - - - - - - - - - - - - - - - - - - - - - - - - - - - - - - - - - - - -- - - - - - - - - - - - - - - - - - - - -- - - - - -

پرنسیسه

مۆمه‌کان تا ئه‌م چرکه‌یه‌ش،

ڕازین ده‌سته پیره‌کانم ڕۆشنیان کا و

ئه‌وان به من ئه‌ڵێن

به‌رده چه‌خماخی ئه‌شکه‌وتی گیانمان

به‌ڵام یه‌کێک له‌و مۆمانه..

ئه‌ڵێ جنۆکه‌ی عه‌رشی عه‌شق....من خۆم ڕۆشنام

هه‌ر تاقێکی کتێبه‌کانت تاریکه

خوێنه‌ره‌کانت ئه‌مبینن...خۆم چاویلکه‌که‌می تیام

سیاڕۆژ....2008

- - - - - - - - - - - - - - - - - - - - - - - -- - - - - - - - - - - - - -

 

جه‌مسه‌ره سه‌رخۆشه‌کان 

کاتێک کچێک ئه‌خوێنمه‌وه،

کوڕان.. وه‌سفی ئه‌م زمانه‌م،، تێکه‌ڵی خوێنیان ئه‌بێت و

شیعر ئاوێته‌ی ده‌رمانی گوناه ئه‌که‌ن.

کاتێک ڕه‌فتاری کوڕێکیش،

ئه‌خه‌‌‌مه سه‌ر په‌ڕڕه‌ی حیکایه‌ت بۆ کچان

کچان ئۆکسجینی خوایان ،،، لێ ئه‌بێت به کۆکایین و

له نێو درۆی نوسه‌رێكا

سه‌ما ئه‌که‌ن.

سیاڕۆژ...2008