وه‌رز بابان

A : B : C :D : E :F : G : H : I : J : K : L : M : N :O : P: Q : R : S : T : U :V : W : X : Y : Z

پۆسته‌ره‌ شعر

ده‌سه‌ڵات

شه‌هیدێک چووه‌ خه‌وی کوڕه‌که‌ی

ووتی:ئا پێم بڵێ له‌ دوای من

چێ بۆ ئه‌م نیشتمانه‌ کراوه‌ ؟

کوڕه‌ش ووتی:

ئه‌فسوس بابه‌

ئه‌م نیشتیمانه‌ شێواوه‌

کورسی ده‌سه‌ڵات دارێکیان ده‌ جار گۆڕی

خاوه‌ن ده‌سه‌ڵات هه‌رماوه‌

--------------------------------------------

کاره‌با

ئه‌دیسۆن گه‌ر بیزانیایه‌

رۆژێک دادێ

گه‌لێک ئه‌بێ

چه‌ند کاژێرێک رووناکی به‌چاو ئه‌بینێ

هه‌زار ساڵی تریش ئه‌ژیا

تا کاره‌بایه‌کی مۆدرێن تر بۆ ئه‌و گه‌له‌

دابهێنێ

--------------------------------------------

میراتی

بم به‌خشه‌

بم به‌خشه‌ که‌ ناتوانم دوایه‌مین

قه‌سیده‌ی سووتاوی خۆمت

پشان بده‌م

بم به‌خشه‌ که‌ ناتوانم ئینجانه‌یه‌ک

له‌ سادۆنیای ڕۆحمت پی ببه‌خشم

هه‌رچه‌ند ئه‌که‌م ناتوانم په‌یکه‌رێک

بۆ شوومی غوربه‌ت دروست بکه‌م پڕ بێ

له‌ بۆن و به‌رامی

نیشتیمان ماڵێکی پڕ په‌نجه‌ره‌ی خه‌یاڵ بێ

گڵۆپی چاو مۆنی
ئه‌م باڵکۆنه‌ش ئه‌ڵێ:

ده‌ست له‌ شعر به‌رده‌ و،

وه‌سێتێک بنووسه‌وه‌

جا من چیم له‌ پاش جێ ئه‌مێنێ ؟

کوپێک ژه‌هری چاوه‌روانی خۆم ئه‌یخۆمه‌وه‌ و

شمشاڵێکی سک کوون کوونی به‌ تیپ

به‌ستراو

بۆ کچه‌ تاقانه‌که‌م و

کۆمه‌ڵێ شعری دڕاوی

له‌ چاپ نه‌دراوی که‌س نه‌دیوو

بۆ هاوسه‌ره‌که‌م و..

ته‌قوولبابێکی ماڵه‌ کۆنه‌که‌ی ده‌رگه‌زێنمان

که‌ ئه‌ویش وه‌ک و

یادگارێک له‌گه‌ڵما دێته‌ ناو

گۆڕه‌که‌م

گۆڕه‌که‌ ...م

گۆڕه‌ک..ه‌م

  وه‌رز بابان

ووڵات

له‌ چاوما به...‌

ئه‌م ده‌ربه‌نده‌ت پێ نابڕرێت

گواره‌سووره‌کانت ئه‌درێنه‌ ده‌ست

برژانگی چه‌ته‌کان....!

له‌چاومابه.....‌

به‌ ته‌نیایی ئه‌م ووڵاته‌ت پێنابڕرێ

ماچه‌کانت به‌سه‌ر ته‌لی دڕکاوی

ئه‌م سنوره‌دا ئه‌ڕژێن

له‌ چاومابه...‌

بێ ته‌ڕڕایی گلێنه‌ی من سه‌ربه‌خۆیی نابینی

من ووڵاتێک ئه‌بینم کز....کز

تیشکی له‌ چاوم ئه‌دات وڵاتێکی سه‌ربه‌خۆیه‌

ئه‌و ووڵاته‌ش سیسه‌می دواڕۆژی

پێک گه‌شتنی من و .......

 .تۆیه..........‌

خۆشه‌ویستی

زۆرن ئه‌ڵین:

خۆشه‌ویستی ئه‌و خۆره‌یه‌ گه‌رهه‌ور بێ

قه‌ت هه‌ڵنایه‌

زۆریش ئه‌ڵین:

هه‌روه‌که‌ کوبرایه‌

تا به‌ شمشاڵ ئاوازێکی بۆ نه‌ژه‌نی

له‌و کوپه‌یه‌ قه‌ت ده‌رنایه‌ !!

                     پاکترین ووشه          

تا باڵای ئاسمان به‌رز بێ ،

هه‌ور هه‌ر کۆچی خۆی ئه‌کا

تا زه‌وی هه‌نگاو له‌ کۆش نێ

پانتایی سێبه‌ر هه‌ر ئه‌روا،

 ته‌نیا شتێک جێ ئه‌ مێنێ له‌ ناو دڵا،

له‌ ناو گیانا، ووشه‌ یه‌کی ئێجگار پاکه‌

گه‌ر له‌ هۆنراوه‌م بپرسی

بێ راوه‌ستان ئه‌ڵی:

خاکه‌    

    خاک.......ه‌