|
سێ شەممە, 26 تەمموز 2011 14:35 |
|
بەرێوەبەری گشتیی کۆمپانیای کوردمیلۆدی بۆ بەرهەمهێنانی هونەری رایگەیاند، کە یەکەمین ئەلبوومی ئاینی هونەرمەندان لۆکە زاهیر و میرا کە تایبەتە بە مانگی پیرۆزی رەمەزان بڵاوکرایەوە.
دەرباز یونس، بەرێوەبەری گشتیی کۆمپانیای (کوردمیلۆدی) بۆ بەرهەمهێنانی هونەری رایگەیاند "یەکەمین ئەلبومی ئاینی هونەرمەندان لۆکە زاهیر و میرا کە تایبەتە بە مانگی پیرۆزی رەمەزان بڵاوکرایەوە". زیاتر گووتی "ئەو ئەلبومە لە 7 تڕاک پێکهاتووە، سەرجەم گۆرانییەکان ئاینین و میلۆدییەکانی لە لایەن هونەرمەند هەڵکەوت زاهیر ئامادەکراوە، هاوکات تێکستەکانی لە لایەن هەریەکە لە (پیرەمێرد، حەمە سەعید ئیبراهیم، مەحموود سەنگەسەری، نەبەز ئەسعەد) نووسراوە".
هەروەها چەند کلیپێکی ئاینی کە تایبەت بەو ئەلبومە وێنە گیراوە، لە چەند رۆژی داهاتوو بۆ سەرجەم کەناڵەکان رەوانە دەکرێت.
لە کۆتایی قسەکانیدا ئاماژەی بەوە کرد کە ئەو ئەلبوومە لە بەرهەمهێنان و بڵاوکردنەوەی کۆمپانیای (کوردمیلۆدی)یەو لە لایەن (بانکی زانیاری، کۆمپانیای یاسین، کۆمپانیای پرۆفیلۆ) سپۆنسەر کراوە.
 |
بابهته هونهریهکان > 
Lezan Barznji
