گروپى موزیکى کورد بەسەرپەرشتى موزیک ژەن هەڵبەست سەلاح لە شارى هەولێر دامەزرا، سەبارەت بە دامەزراندنى گروپى موزیکى ((کورد)) هونەرمەند( هەڵبەست سەلاح) تایبەت ڕاى گەیاند: بۆخزمەت کردنى زیاترى هونەرى کوردى لەگەڵ چەندین موزیکژەنى بە تواناى کورد بە مەبەستى زیاتر خزمەت گەیاندن بە ڕەووتى هونەرى گۆرانى و موزیکى کوردى بەستایل و شێوازێکى زانستى هونەریانە ئەم گروپەمان دامەزراند، ئەم گروپە پێکهاتووە لە چەند موزیک ژەنى بەتوانا، هەروەها لە باڵەخانەیەکى تایبەت کار وچالاکیەکان بەرێوە دەبەین، سەبارەت بەچالاکیەکانى هونەرمەندى ناوبراو ڕاى گەیاند: ئەم گروپە چەندین چالاکى بۆ هونەرمەندانى ناوەوە و دەرەوەى کوردستان لەرووى کۆنسێرت وئاهەنگ و تۆمار کردنى دەنگ لە ستۆدیۆ کان و پرۆگرامى هونەریی لە کەناڵە ئاسمانیەکان ئەنجام داوە، هەروەها لە ئایندەیەکى زۆر نزیک چەندین کار و چالاکى جۆراو جۆر ئەنجام دەدەین، جێگاى ئاماژە پێدانە ئەم گروپە سەر بەوەزارەتى ڕۆشنبیرى حکومەتى هەرێمى کوردستانە ومۆڵەتى ڕەسمى لە لایان وەزارەتى ناوبراو پێدراوە.

رێکەوت سەلام
Rekawt_presss@hotmail.com