|
دووشەممە, 20 شوبات 2012 23:02 |
|
 سەرچاوەكان ئاشكرایان كرد كۆمپانیای ئەپڵ لە سەرەتای مانگی داهاتوودا كۆمپیوتەری نوێی تابلۆیی خۆی لە زنجیرەی كۆمپیوتەرەكانی ئایپاد دەخاتە بازارەوە.
زانراوە كە ئەپڵ ساڵانە بەرهەمی نوێی خۆی دەخاتە بازاڕەوە و لە ئاداری رابردوودا ئایپاد 2ی خستە بازاڕەوە. لەبەرئەوە ئەوەی كە سەرچاوەكان قسەی لەبارەوە دەكەن سەبارەت بە خستنەڕووی ئایپادێكی نوێ تەواو هاوتایە لەگەڵ رێچكەی كۆمپانیای ناوبراو لە خستنە رووی بەرهەمەكانیدا.
رۆژنامەی دەیلی تەلەگرافی بەریتانی لە زاری سەرچاوەكانی گواستەوە كە دوای هەفتەیەك یان دوو هەفتە لە ئاشكراكردنی، كۆمپیوتەرە نوێیەكە دەخرێتە بازاڕەوە.
پێشتر هەندێك سەرچاوەی نافەرمی وێنەی فۆتۆگرافی بەرگی پشتەوەی ئایپادە نوێیەكان بڵاوكردەوە و ئەو وێنانە دووپاتی ئەوە دەكەنەوە كە دەنگۆی دروستكردنی ئایپاد 3 راستە.
وێڕای ئەوەش شرۆڤەكاران پێیان وایە ئەوە بەڵگەی حاشاهەڵنەگر نییە لەسەر ئەوەی ئایپاد 3 بەرهەم دەهێنرێ بەو نزیكانە و بە دوری نازانن ئەو وێنەیە درۆ بێت.
ماڵپەری زی فێرگی تەكنەلۆجی لە سەرچاوەی ئاگاداری گواستەوە كە بەرهەمە نوێیەكەی ئایپاد شاشەیەكی زۆر روونتر لەوەی ئێستای هەیە و ئەستوورییەكەی ملیمەترێكی تر زیادی كردووە لە چاو ئایپاد 2.
ماڵپەری ریبیر لابز كە وێنەی ئایپادە نوێیەكەی بڵاو كردووەتەوە دەڵێ: دیزانینی كۆمپیوتەرە نوێیەكە جوانتر و ئەوەش وایكردووە پاترییەكەی گەورەتر بێت.
سەرچاوە: ئیلاف
 |
بابهتی ههمهڕهنگ > 
Lezan Barznji
